নিউজনেষ্ট ০২ ফেৱ্ৰুৱাৰী ২০২৩,নিউজডেস্কঃ
আজি নৱ নিৰ্মিত নলবাৰী চিকিৎসা মহাবিদ্যালয়ত উপস্থিত হয় মুখ্যমন্ত্ৰী ড০. হিমন্ত বিশ্ব শৰ্মা স্বাস্থ্য মন্ত্ৰী কেশৱ মহন্ত আৰু নলবাৰী সমষ্টিৰ বিধায়ক তথা মন্ত্ৰী জয়ন্ত মল্ল বৰুৱা ।
নলবাৰী চিকিৎসা মহাবিদ্যালয়ৰ নিৰ্মাণৰ আন্ত:গাঠনি বুজ লোৱাৰ লগতে প্ৰতিটো কক্ষই পৰ্যবেক্ষণ কৰে মুখ্যমন্ত্ৰী গৰাকীয়ে ।
চিকিৎসা মহাবিদ্যালয় খন পৰ্যবেক্ষণ কৰি সাংবাদিকৰে সাক্ষাৎকাৰত মিলিত হয় মুখ্যমন্ত্ৰী ড০. হিমন্ত বিশ্ব শৰ্মা । মুখ্যমন্ত্ৰীয়ে কয় যে এই বৰ্ষৰ অক্টোবৰ মাহতে আৰম্ভ হ’ব নলবাৰীৰ চিকিৎসা মহাবিদ্যালয়ত স্বাস্থ্য সেৱা ।
অসমৰ তিনিখন চিকিৎসা মহাবিদ্যালয় ক্ৰমে কোকৰাঝাৰ , নগাও আৰু নলবাৰী চিকিৎসা মহাবিদ্যালয়ৰ নিৰ্মাণ কাৰ্য ইতিমধ্যে সম্পূৰ্ণ হোৱাত National Medical Council ত inspectionৰ বাবে পঞ্জীয়ন ভুক্ত কৰা হৈছে বুলি সাক্ষাৎকাৰত সদৰী কৰে মুখ্যমন্ত্ৰী ড০. হিমন্ত বিশ্ব শৰ্মাই । নিৰ্মাণ কাৰ্য সম্পূৰ্ণ হোৱা এই তিনিখন মেডিকেল কলজৰ চৰকাৰে দুখনৰ সফল কৰাৰ লক্ষ্যৰে দুশটা মেডিকেল চীট বঢ়োৱাৰ কথা সদৰী কৰে । বুধবাৰে কোকৰাঝাৰ মেডিকেল কলেজত National Medical College Inspection হৈ যোৱাৰ পিছত অতি কমদিনৰ ভিতৰতে নলবাৰী আৰু নগাওতো National Medical Council ৰ Inspection হব বুলি কয় মুখ্যমন্ত্ৰী ড০. হিমন্ত বিশ্ব শৰ্মাই ।
আজি দক্ষিণ গাৱঁৰ নৱ নিৰ্মিত চিকিৎসা মহাবিদ্যালয় পৰিদৰ্শন কৰি মুখ্যমন্ত্ৰী ড° হিমন্ত বিশ্ব শৰ্মাৰ এই মন্তব্য ।
নলবাৰীৰ দক্ষিণ গাৱঁৰ নৱ নিৰ্মিত চিকিৎসা মহাবিদ্যালয়ত উপস্থিত মুখ্য মন্ত্ৰী ড°হিমন্ত বিশ্ব শৰ্মাই চিকিৎসা মহাবিদ্যালয়ৰ প্ৰতিটো বিভাগৰে তদাৰক কৰে ।
ইপিনে মুখ্যমন্ত্ৰী গৰাকীয়ে নলবাৰীত চিকিৎসালয় মহাবিদ্যালয় পৰিদৰ্শন কৰা সময়ত উপস্থিত থাকে স্বাস্থ্য মন্ত্ৰী কেশৱ মহন্ত আৰু নলবাৰীৰ বিধায়ক তথা মন্ত্ৰী জয়ন্ত মল্ল বৰুৱাই ।
